عمران خان کا بشریٰ بی بی کے ساتھ دو بار نکاح ہوا
زرائع کے مطابق پاکستان تحریک انصاف (پی ٹی آئی) کے چیئرمین عمران خان کے بشریٰ بی بی کے ساتھ نکاح میں اس بات کا انکشاف ہوا ہے کہ یہ نکاح دو بار کیا گیا۔ اس بات کا انکشاف نکاح پڑھانے والے مفتی سعید خان نے جیو نیوز کے پروگرام "جرگہ” کے دوران کیا۔
مفتی سعید نے انکشاف کیا کہ پہلا نکاح عدت کی وجہ سے منسوخ کر دیا گیا تھا اور پہلے نکاح وقت انہیں یہچیز نہیں بتائی گئی تھی۔ مفتی نے بتایا کہ وہ اس سے لاعلم تھے۔ تاہم جب انہیں صورتحال کا علم ہوا تو انہوں نے دوبارہ نکاح پڑھایا۔ انہوں نے مزید کہا کہ میں نے پہلے نکاح کو کالعدم قرار دیا اور اسلامی تعلیمات کے مطابق دوبارہ نکاح پڑھایا۔
عمران خان کا بشری بی بی سے نکاح
سابق وزیراعظم نے فروری 2018 میں بشریٰ بی بی سے شادی کی جو ان کی تیسری بیوی ہیں۔
یہ بھی پڑھیں | پنتالیس پی ٹی آئی اراکین قومی اسمبلی نے استعفے واپس لے لئے
یہ بھی پڑھیں | محسن نقوی پنجاب کے نگران وزیر اعلی بن گئے
پی ٹی آئی چئیرمین عمران خان نے شادی کی خبر کی تصدیق کر دی تھی۔ ان کے دوست زلفی بخاری اور پارٹی کے سابق رہنما عون چوہدری نے کہا تھا کہ نکاح مفتی سعید نے لاہور میں پڑھایا ہے۔ وہ دونوں عمران خان کے نکاح کے گواہ بھی تھے۔
سابق وزیراعظم کے تیسرے نکاح سے متعلق خبر
سابق وزیراعظم کے تیسرے نکاح سے متعلق خبر کو سب سے پہلے دی نیوز کے سینئر نمائندے عمر چیمہ نے بریک کیا تھا جن کا کہنا تھا کہ پہلا نکاح یکم جنوری 2018 کو ہوا تاہم پارٹی نے اس وقت اس رپورٹ کی تردید کی تھی۔
پی ٹی آئی نے بعد میں تصدیق کی کہ عمران خان نے بشریٰ نامی خاتون کو شادی کی پیشکش کی ہے۔
عمر چیمہ نے کہا تھا کہ عمران خان نے بشریٰ سے اس وقت شادی کی جب وہ عدت میں تھیں۔ صحافی نے اپنی رپورٹ میں کہا تھا کہ بشریٰ کی عدت سے متعلق حقیقت کو چھپانے کے لیے 18 فروری 2018 کو تصاویر جاری کی گئیں۔
