عمران خان کا آڈیو لیکس کے ایڈوانس علم ہونے کا دعوی

کیا عمران خان کو آڈیو لیکس کا پیشگی علم ہے؟

یہ بتاتے ہوئے کہ انہیں پیشگی علم ہے کہ آنے والے دنوں میں وزیر اعظم آفس سے کون سے آڈیو کلپس لیک ہو سکتے ہیں، پی ٹی آئی کے سربراہ عمران خان نے پیر کو چیف الیکشن کمشنر سکندر سلطان راجہ کو نشانہ بناتے ہوئے انہیں ’’شریف خاندان کا نوکر‘‘ قرار دیا۔

آنے والے دنوں میں مزید آڈیو کلپس سامنے آئیں گے

  گورنمنٹ کالج یونیورسٹی میں ‘ایجوکیشن اینڈ سکلز انٹیگریشن’ پراجیکٹ کے آغاز کے لیے منعقدہ تقریب سے خطاب کرتے ہوئے سابق وزیر اعظم عمران خان نے دعویٰ کیا کہ آنے والے دنوں میں مزید آڈیو کلپس سامنے آئیں گے جن میں ایک ایسی گفتگو بھی شامل ہے جہاں توشہ خانہ کیس میں ان کی نااہلی کی بات کی جا رہی تھی۔ 

عمران خان نے کہا کہ آڈیو لیکس کے سلسلے میں اور بھی کلپس آنے والے ہیں لہذا آپ کو آنے والے دنوں میں ان کا انتظار کرنا چاہئے۔

عمران خان کو نااہل قرار دینے کی یقین دہانی

 عمران خان نے کہا کہ میں سن رہا ہوں کہ ایک ریکارڈنگ سامنے آئے گی جہاں مریم نواز اپنے ابا جی [نواز شریف] کو بتائیں گی کہ الیکشن کمیشن نے کہا ہے کہ وہ توشہ خانہ کیس میں عمران خان کو نااہل قرار دے دیں گے اور پریشان ہونے کی ضرورت نہیں ہے۔

یہ بھی پڑھیں | اسحاق ڈار شہباز شریف کے ساتھ وطن واپس آئیں گے

یہ بھی پڑھیں | وزیر اعلی پرویز الہی نے عمران خان کی حمایت کی وجہ بتا دی

 سی ای سی پر تنقید کرتے ہوئے، انہوں نے الزام لگایا کہ سلطان راجہ کو مسلم لیگ (ن) کے سپریم لیڈر سے ہدایات موصول ہوئی تھیں کہ انتخابات کب کرائے جائیں اور کس کو نااہل کیا جائے۔ 

الیکشن کمیشن نواز اور زرداری کی ہدایت پت رکاوٹیں کھڑی کرتا رہا

سابق وزیر اعظم نے الزام لگایا کہ میں آزادانہ اور منصفانہ انتخابات کے لیے الیکٹرانک ووٹنگ مشینوں (ای وی ایم) کے استعمال کی وکالت کرتا رہا لیکن [سی ای سی] راجہ نواز شریف اور آصف زرداری کی ہدایت پر رکاوٹیں کھڑی کرتے رہے۔

 اپنی تقریر کے دوران پی ٹی آئی کے سربراہ نے مریم نواز کے داماد کے لیے بھارت سے پاور جنریشن مشینری کی ممکنہ درآمد کے حوالے سے وزیر اعظم اور ایک نامعلوم شخص کے درمیان ہونے والی گفتگو پر بھی وزیر اعظم شہباز شریف کو آڑے ہاتھوں لیا۔ 

 انہوں نے کہا کہ پی ٹی آئی حکومت نے 2019 میں کشمیر کے الحاق کے بعد بھارت کے ساتھ تجارتی تعلقات ختم کر دیے تھے۔ 

 انہوں نے کہا کہ ابھی بھی کوئی [تجارتی] تعلقات نہیں ہیں لیکن مریم کا داماد بھارت سے مشینری درآمد کرنا چاہتا ہے۔ 

 عمران خان نے مزید دعویٰ کیا کہ مریم نواز کے داماد کی ہاؤسنگ سوسائٹی میں 700 ملین روپے کا گرڈ اسٹیشن ٹیکس دہندگان کے پیسے سے بنایا جائے گا۔