پی ٹی آئی کے سینئر نائب صدر فواد چوہدری نے کہا ہے کہ سابق وزیراعظم عمران خان نے کبھی بھی چیف آف آرمی سٹاف جنرل عاصم منیر سے ملاقات کی کوئی درخواست نہیں کی۔ اس حوالے سے قیاس آرائیاں بے بنیاد ہیں۔
سابق وزیر اطلاعات فواد چوہدری نے یہ بھی واضح کیا کہ نہ تو عمران خان اور نا ہی ان کے کسی نمائندے نے کبھی بھی شہباز شریف سے ملاقات کے لیے رابطہ کیا۔
یہ بھی پڑھیں | پاکستان میں گورنمنٹ نوکری حاصل کرنے کے لئے 5 بہترین ویب سائٹس
یہ بیان کامران خان کی ٹویٹ کے بعد سامنے آیا
یہ بیان اس وقت سامنے آیا ہے جب سینئر صحافی کامران خان نے صبح سویرے جنرل عاصم منیر کے بارے میں ٹویٹ کیا تھا کہ انہوں نے تاجر برادری کو بتایا تھا کہ انہوں
نے صدر ڈاکٹر عارف علوی کے ذریعے عمران خان کو وزیراعظم شہباز شریف سے ملاقات کے لیے پیغام بھیجا تھا جس پر پی ٹی آئی چیئرمین نے اتفاق نہیں کیا۔
تاہم کامران خان نے دعویٰ کیا کہ عمران خان نے آرمی چیف سے ملاقات کی خواہش کی تھی جسے انہوں مسترد کرتے ہوئے کہا کہ وہ سیاسی عمل میں مداخلت کے لیے تیار نہیں ہیں۔
کامران خان کا مزید کہنا تھا کہ ملاقات کم از کم ساڑھے تین گھنٹے تک جاری رہی جس میں وزیر خزانہ اسحاق ڈار بھی موجود تھے۔ انہوں نے مزید کہا کہ آرمی چیف اور اسحاق ڈار نے معاشی بحران کا اعتراف کیا لیکن یقین ہے کہ عملے کی سطح پر بین الاقوامی اداروں کے ساتھ معاہدہ طے پا گیا ہے۔
