لاہور سے اسلام آباد جاتے ہوئے موٹروے پر پی ٹی آئی کے مرکزی رہنما شہباز گل کی گاڑی کو ٹکر مارنے والے شخص کو گرفتار کر لیا گیا ہے۔
تفصیلات کے مطابق کالیکی منڈی پولیس نے شہباز گل کی گاڑی کو ٹکر مارنے والے شخص کو گرفتار کر لیا ہے جس کی شناخت وجاہت علی کے نام سے ہوئی ہے۔
ابتدائی تفتیش سے معلوم ہوا ہے کہ ملزم وجاہت علی نے مریدکے سے کار کرائے پر لی تھی جو اہل خانہ کے ساتھ اسلام آباد روانہ ہوئی تھی۔
ملزم وجاہت کی جانب سے ریکارڈ کرائے گئے ابتدائی بیان میں کہا گیا کہ یہ محض ایک حادثہ تھا جسے سیاسی رنگ دینے کی کوشش کی گئی۔
یہ بھی پڑھیں | عید:گلیوں میں ملنے والے یہ 5 کھانے آپ کی خوشیوں کو دوبالا کر سکتے ہیں
ملزم کو مریدکے پولیس نے حراست میں لے کر حافظ آباد پولیس کے حوالے کر دیا ہے جبکہ سی آئی اے کی جانب سے تفتیش جاری ہے۔
خیال رہے کہ گزشتہ روز سابق معاون خصوصی برائے سیاسی مواصلات ڈاکٹر شہباز گل کی گاڑی کو موٹر وے پر پیچھے سے آنے والی کار نے ٹکر مار دی تھی جس کے نتیجے میں وہ زخمی ہوگئے تھے۔
تحقیق سے پتہ چلا ہے کہ یہ ٹکڑ حادثاتی تھی اور پلان سے نہیں تھی تاہم ڈاکٹر شہباز گل نے الزام عائد کیا تھا کہ انہیں ٹکڑ جان بوجھ کے لگائی گئی تھی۔
