شاہد آفریدی کی شاداب خان کی حمایت
سابق کرکٹر شاہد آفریدی نے شاداب خان کی حمایت کی ہے جنہیں آئندہ افغانستان سیریز کے لیے کپتان بنانے کا اعلان کیا گیا ہے۔
چیف سلیکٹر ہارون رشید نے پیر کو افغانستان کے خلاف تین ٹی ٹوئنٹی میچوں کی سیریز کے لیے اسکواڈ کا اعلان کیا۔ سیریز کا آغاز 24 مارچ بروز جمعہ سے ہوگا۔
پاکستان کے کپتان بابر اعظم کے ساتھ فخر زمان، حارث رؤف، محمد رضوان اور شاہین شاہ آفریدی کو سیریز میں آرام دیا گیا ہے۔
یہ بھی پڑھیں| وہ ممالک جہاں وزٹ کے لئے پاکستانیوں کو ویزہ کی ضرورت نہیں
شاہین کو کپتان بنانے کی کبھی پلاننگ نہیں کی
کپتانی کی تبدیلی کے حوالے سے شاہد آفریدی نے اپنا موقف واضح کیا کہ انہوں نے شاہین کو کپتان بنانے کے لیے کبھی لابنگ نہیں کی۔
ایک مقامی کرکٹ شو میں گفتگو کرتے ہوئے انہوں نے کہا کہ میرا کرکٹ بورڈ سے دور کا بھی تعلق نہیں۔ میں نے شاہین کو مشورہ دیا کہ وہ پی ایس ایل میں فرنچائز کی کپتانی نہ کریں، قومی ٹیم کی کپتانی کو چھوڑ دیں۔
انہوں نے مزید کہا کہ بورڈ کی طرف سے کیا گیا فیصلہ دانشمندانہ ہے اور سنیارٹی کے مطابق مناسب ہے۔ بابر اعظم کی غیر موجودگی میں کپتانی کا کردار مناسب طور پر شاداب کو جاتا ہے، کیونکہ وہ کافی عرصے سے نائب کپتان کے طور پر خدمات انجام دے رہے ہیں۔ میں اس سے بہت خوش ہوں۔
یاد رہے کہ اس سال کے شروع میں چیئرمین نجم سیٹھی کی سربراہی میں پاکستان کرکٹ بورڈ (پی سی بی) کی مینجمنٹ کمیٹی نے نیوزی لینڈ کے خلاف ہوم سیریز کے لیے شاہد آفریدی کو مینز کرکٹ ٹیم کا عبوری چیف سلیکٹر مقرر کیا تھا۔
