سال 2024-24 پاکستان کے لیے ریوینیو میں اضافے کا سال ثابت ہو گا

وزیراعظم محمد شہبازشریف نے اس عزم کا اظہار کیا ہے کہ آئندہ مالی سال پاکستان کے ریونیو اور اہل وطن کی آمدنی میں اضافے کا سال ثابت ہوگا۔

منگل کو اسلام آباد میں جاری ایک بیان میں انہوں نے کہا کہ بجٹ 2024-24 نوجوانوں کی ترقی،  کاروبار اور روزگار کے مواقع میں اضافے کے لیے ایک تاریخی بجٹ ہے۔ وزیراعظم نے کہا کہ یہ صنعت، زراعت، انفارمیشن ٹیکنالوجی، توانائی کے شعبے میں تیز رفتار ترقی اور معاشی استحکام کا بھی بجٹ ہے۔

نوجوان ملک کا مستقبل ہیں

انہوں نے کہا کہ ہمیں مایوسیوں کو ختم کرنا ہے، اعتماد بحال کرنا ہے اور ملک و قوم کی ترقی و خوشحالی کرنی ہے۔ شہباز شریف نے کہا کہ نوجوان ملک کا مستقبل ہیں اور ان کا مستقبل سنوارنا ہمیشہ ان کی اولین ترجیح ہے۔ انہوں نے کہا کہ نوجوانوں کو دس لاکھ لیپ ٹاپ اور چھوٹے قرضے دیئے جا رہے ہیں۔ انہوں نے کہا کہ نوجوانوں کی حوصلہ افزائی کے لیے آئی ٹی کے کاروبار میں بھی ٹیکس چھوٹ دی گئی ہے۔
یہ بھی پڑھیں | سندھ: سمندری طوفان کے باعث آج سے بارشوں کا سلسلہ جاری ہو گا

یہ بھی پڑھیں | علیم خان استحکام پاکستان پارٹی کے صدر نامزد

انہوں نے کہا کہ ہم زرعی ترقی میں نوجوانوں کو بھی شراکت دار بنا رہے ہیں۔ انہوں نے کہا کہ کسان پیکج کے لیے 2000 ارب روپے سے زائد مختص کرنے سے زرعی شعبے کی ترقی اور کسانوں کی حالت زار میں بہتری آئے گی۔ وزیر اعظم نے کہا کہ حکومت کی طرف سے اٹھائے گئے اقدامات سے غذائی تحفظ کو بھی یقینی بنایا جائے گا۔

انہوں نے کہا کہ کسانوں کو زرعی قرضوں اور نوجوانوں کو کاروباری قرضوں کی فراہمی سے پاکستان ایک خوشحال ملک بنے گا۔