ٹک ٹاک ٹرینڈ کیا ہے؟
ٹک ٹاک ٹرینڈ ایک آواز، ہیش ٹیگ، ڈانس یا چیلنج ہو سکتا ہے۔ یہاں تک کہ آپ اپنی پوسٹ کو کیسے ایڈٹ کرتے ہیں وہ بھی ایک ٹرینڈ بن سکتا ہے۔ ایک بار جب کوئی ٹرینڈ ٹریکشن حاصل کرنا شروع کر دیتا ہے تو صارفین ٹرینڈنگ ٹک ٹاک ویڈیو یا تھیم کو دوبارہ بنا کر اسے "ہاپ آن” کرتے ہیں۔
سال 2022 کے مقبول ٹک ٹاک ٹرینڈز
لیکن ٹرینڈ میں شامل ہونے کے لئے آپ کو کیا کرنا ہو گا؟ آئیے سال 2022 کے مقبول ٹک ٹاک ٹرینڈز دیکھتے ہیں۔
اول۔ پراڈیکٹ ڈیمو ویڈیو
وڈیارڈ کی 2021 ویڈیو بینچ مارکس کی رپورٹ کے مطابق، کاروباری ویڈیوز کی سب سے عام اقسام پروڈکٹ ڈیمو ہیں جس میں پراڈیکٹ کی وضاحت کی جاتی ہے۔ ٹک ٹاک پر ہیش ٹیگ ‘لرن آن ٹک ٹاک’ کے ساتھ 253 بلین سے زیادہ ویڈیوز ہیں۔ اس کا مطلب ہے کہ تعلیمی ویڈیوز پلیٹ فارم پر چلتی ہیں۔ مزید یہ بھی پتہ چلا کہ سامعین میں نئی چیزیں سیکھنے کی خواہش ہے جس کا آپ فائدہ اٹھا سکتے ہیں۔
ٹک ٹاک پر، آپ کے پاس اپنا پیغام پہنچانے کے لئے دس منٹ یا اس سے کم وقت ہوتا ہے اس لیے تخلیق کار مزید سیاق و سباق کے لیے فوری کٹ، واضح آواز سے متعلق ہدایات، تیز موسیقی اور کیپشنز کا استعمال کرتےہیں۔
دوم۔ کچھ نیا کریں
کچھ نئے سے مراد کچھ بھی۔ جو عام لوگوں سے ہٹ کر ہو۔ عوام کی پسندیدگی کا خیال رکھیں اور ٹرینڈ سیٹر بن جائیں۔ اگر آپ کے ٹک ٹاک پہ لاکھوں فالورز ہیں تو آپ کے لئے ٹرینڈ سیٹ کرنا آسان ہے لیکن آپ کے لاکھوں فالورز نا بھی ہوں تو ٹک ٹاک آپ کی تخلیقی صلاحیت کا چند منٹوں میں ایپ پر لاکھوں صارفین تک پہنچنے کے قابل بناتا ہے۔ اس کے لئے آپ کو کسی اسٹوڈیو کے آلات یا اعلیٰ مواد نہیں چاہیے۔ بس کچھ ایسا ہو جسے صارفین پسند کریں۔ ٹک ٹاک کی دنیا میں، کوئی بھی تخلیق کار ہو سکتا ہے۔ تخلیق کار لوگوں کو برانڈز اور مصنوعات سے جوڑنے میں کلیدی کردار ادا کرتے ہیں۔ آج کل پروڈکٹ کے ریویوز پر مشتمل ویڈیوز کی مقبولیت میں مسلسل اضافہ ہو رہا ہے۔
می انڈیز ایک زیر جامہ، ملبوسات اور تیراکی کے لباس کی کمپنی ہے جو تمام جنسوں کے لیے آرام دہ لباس فروخت کرتی ہے۔ ان کی مصنوعات اکثر ٹک ٹاک ہالز میں نمایاں ہوتی ہیں جہاں تخلیق کار ان کے زیر جامہ کا جائزہ لیتے اور آزماتے ہیں۔ می انڈیز میں یہ صارف کے ذریعے تیار کردہ مواد کو اپنے ٹک ٹاک پروفائل پر لگاتے ہیں اور یوں صارفین اسے پسند کرتے ہیں۔
یہ بھی پڑھیں | ڈکی بھائی کے پاس کل کتنی رقم ہے؟
یہ بھی پڑھیں | پاکستان کے خوبصورت ترین مرد کون ہیں؟ جانئے
سوئم۔ پس پردہ حقائق (پردے کے پیچھے)
ٹک ٹاک میں اس جملے کا مطلب صرف سفر یا کسی شخصیت کے پس پردہ حقائق بیان کرنا نہیں ہے۔ بلکہ ٹک ٹاک کے صارفین کیمرے کی روٹین سے ہٹ کر نارمل روٹین کے عمل کو دیکھنا چاہتے ہیں۔ جیسا کہ میری زندگی کا ایک دن، میں نے آج کے دن کیا کھایا؟ جیسی ویڈیوز پردے کے پیچھے ویڈیو کے طور پر سب سے زیادہ ٹرینڈنگ مواد ہے۔ اس طرح کی ویڈیوز تفریحی، دوستانہ اور پسندیدہ ہوتی ہیں۔
آپ کا برانڈ اس رجحان کو کیسے استعمال کرسکتا ہے؟
آپ اپنے برانڈ کی خود پردے کے پیچھے کی ویڈیو بنانے کے لیے اپنی ٹیم کے کسی رکن سے اپنے ٹک ٹاک کو سنبھالنے کو کہیں۔ چاہے وہ آپ کا سوشل میڈیا مینیجر ہو، یونیورسٹی کا سفیر ہو یا ہیڈ شیف، آپ کے برانڈ کے پیچھے لوگوں کو نمایاں کرنے والی ویڈیوز آپ کی موجودگی کو عوامی بنا سکتی ہیں۔ آپ تخلیق کاروں یا کمیونٹی کے ممبروں کے ساتھ بھی تعاون کر سکتے ہیں جو آپ کے پروڈکٹس کو استعمال کرتے ہیں۔ وہ اپنے ویڈیوز میں آپ کے پروفائل کو نمایاں کر سکتے ہیں۔
چہارم۔ ٹیلنٹ ظاہر کریں
ٹک ٹاک میں ٹیلنٹ ظاہر کرنے کا مطلب اپنے علم اور ٹیکنیکل سکل کا رعب جھاڑنا نہیں بلکہ اس سے آپ کا مختلف طرز زندگی مراد ہے جو آپ گزارتے ہیِں۔ آپ بہت حسین ہیں، یا آپ عام لوگوں سے مختلف دکھتے ہیں، عام لوگوں سے مختلف کام کرتے ہیں یا کچھ بھی جو منفرد ہو، ٹک ٹاک میں آپ کو ٹرینڈ بنانے میں مددگار ثابت ہوتا ہے۔ کبھی بھی خود کو کمزور اور بےسہارا مت سمجھیں، آپ کے علم میں بھی کئی ایسے افراد ہوں گے جنہیں ٹک ٹاک نے عام زندگی سے اٹھا کر شہرت کی بلندیوں پر پہنچا دیا۔ یقینا آپ بھی کوئی ٹرینڈ سیٹ کر کے ان میں سے ایک ہو سکتے ہیں۔
پنجم۔ اسپلٹ اسکرین افیکٹ
ٹک ٹاک کمیونٹی کو براہ راست جواب دینے کا ایک آسان ترین طریقہ اسپلٹ اسکرین جوابی ویڈیوز بنانا ہے۔ موجودہ ٹک ٹاک مواد کو دوبارہ تیار کرکے، یہ افیکٹ آپ کو جاری بات چیت میں فعال طور پر حصہ لینے کی اجازت دیتا ہے۔ اسپلٹ اسکرین ویڈیو بنانے کے لیے، وہ ویڈیو ڈھونڈیں جسے آپ شامل کرنا چاہتے ہیں، اپنی اسکرین کے نیچے دائیں جانب شیئر آئیکن پر کلک کریں اور ‘ڈو اٹ’ کو منتخب کریں۔
