ذہنی صحت کی اہمیت
ذہنی صحت زندگی کے ہر مرحلے پر اہم ہے اور روزانہ کے متعدد عوامل اس پر اثر انداز ہو سکتے ہیں۔ اثر انداز ہونے والے عوامل میں جینیات، زندگی کے تجربات اور ذہنی عوارض کی خاندانی تاریخ شامل ہیں۔
صحت مند دماغ بھی اتنا ہی ضروری ہے جتنا کہ ایک صحت مند جسم۔ آئیے ہم آپ کو روزانہ کی کچھ عادات بتاتے ہیں جو آپ کی دماغی صحت کو بہتر بنانے اور جذباتی طور پر مضبوط اور مطمئن رہنے میں آپ کی مدد کر سکتی ہیں۔
ذہنی صحت کی بہتری کے لئے یہ 5 عادتیں اپنا لیں
اول۔ معیاری نیند
نیند جسمانی صحت کے علاوہ ذہنی صحت میں بھی اہم کردار ادا کرتی ہے۔ یہ جسم اور دماغ کو دوبارہ ترتیب دینے کی اجازت دیتی ہے اور آپ کے موڈ، جسمانی صحت اور ذہنی تندرستی کو متاثر کرتی ہے۔
پاکستان میں سال 2022 میں کی گئی ایک تحقیق میں یہ بات سامنے آئی ہے کہ تناؤ، ڈپریشن، سر درد اور درد شقیقہ کا تعلق صحت کے دیگر تمام مسائل کے مقابلے نیند کی خرابی سے زیادہ ہے۔ لہذا، نیند کے مسائل کو حل کرنا اور بھرپور نیند لینا ذہنی صحت کی علامات کو دور کرنے کا بہترین طریقہ ہے۔
دوم۔ غذائیت سے بھرپور غذائیں
اچھی اور غذائیت سے بھرپور غذا کا استعمال اچھے موڈ میں رہنے میں مدد کرتا ہے۔ روایتی غذا، جیسے بحیرہ روم، ڈی اے ایس ایچ اور پودوں پر مبنی غذا جن میں سبزیاں، اناج اور صحت مند چکنائی زیادہ ہوتی ہیں؛ پروسیسرڈ فوڈز کی نسبت بہت بہتر ہوتی ہیں۔
یہ بھی پڑھیں | وزن کم کرنے کے لئے 5 ورزشیں
یہ بھی پڑھیں | پاکستان میں آن لائن شاپنگ کے لئے 5 بہترین ویب سائٹس
کھانے کا ذہنی صحت پر بہت اثر پڑتا ہے۔ اسی لیے یہ ضروری ہے کہ آپ صحت مند غذا کھائیں میں مختلف فوڈ گروپس کی غذائیت سے بھرپور غذائیں شامل ہوں۔
سوم۔ سماجی روابط
ہر انسان کو بہترین سماجی روابط کی ضرورت ہوتی ہے۔ تحقیق سے پتہ چلتا ہے کہ مضبوط تعلقات کئی وجوہات کی بنا پر بہتر ذہنی صحت سے وابستہ ہیں۔ دوسروں کے ساتھ اچھا تعلق کرنا خواہ خاندان ہو یا دوست، جسم میں تناؤ کا مقابلہ کرنے میں مدد کر سکتا ہے اور ایک اہم موڈ بوسٹر کے طور پر کام کرتا ہے۔
چہارم۔ سوشل میڈیا کے استعمال کو محدود کریں
متعدد مطالعات نے سوشل میڈیا کے بڑھتے ہوئے استعمال کو تنہائی، حسد، اضطراب، افسردگی اور کمیونیکیشن سکلز میں کمی سے جوڑا ہے۔ تنہائی کا مقابلہ کرنے کے بجائے سوشل میڈیا کا الٹا اثر ہوتا ہے۔ یہ اکثر ذہنی صحت کے مسائل کی نشوونما کا باعث بنتا ہے لہذا اس کا استعمال کم سے کم اور مثبت ہونا چاہیے۔
پنجم۔ ورزش
ورزش ذہنی صحت کو بہتر بنانے میں اہم کردار ادا کرتی ہے۔ تحقیق کے مطابق دن میں 15 منٹ تک ورزش کرنے سے ڈپریشن کا خطرہ کافی حد تک کم ہوجاتا ہے۔ ورزش ذہنی صحت کے بہت سے فوائد بھی پیش کرتی ہے جیسے تناؤ کو دور کرنا، موڈ کو بہتر کرنا اور افسردگی اور اضطراب کی علامات کو ختم کرنا۔
