جون 18 2020: (جنرل رپورٹر) دیکھتی آنکھوں, سنتے کانوں کو طارق عزیز نے الوداع کہہ دیا- حرکت قلب بند ہو جانے کے باعث اس دار فانی سے رخصت ہو گئے
تفصیلات کے مطابق طارق عزیز معروف ٹی وی کمپئیر تھے اور کئی فلموں میں اپنی اداکاری کے جوہر دکھا چکء تھے- ان کی عمر 84 برس تھی جبکہ اہلخانہ زرائع کے مطابق وہ پچھلے کئی روز سے بیمار تھے
طارق عزیز وہ شخص تھے جو بیک وقت ادیب, شاعر, اداکار اور سیاستدان بھی تھے- وہ سابق رکن اسمبلی بھی رہ چکے تھے اور کئی فلموں میں کام بھی کیا- طارق عزیز کی شہرت کا ایک بڑا حصہ ان کے پی ٹی وی پروگرام نیلام گھر سے واپستہ ہے– وہ اس مشہور پروگرام کے میزبان تھے اور چالیس سال تک اس پروگرام کو چلاتے رہے- بعد میں اس کا نام طارق عزیز شو رکھ دیا گیا تھا
انہوں نے اپنے فنی کیرئیر کا آغاز ریڈیو پاکستان سے کیا- ان کو یہ اعزاز حاصل ہے کہ یہ پاکستان ٹی وی کے پہلے اینکر ہیں
ان کی پیدائش 1936ء کی ہے جبکہ قیام پاکستان کے وقت یہ اپنے خاندان کے ساتھ پاکستان کے صوبہ پنجاب آ بسے تھے- ساہیوال میں انہوں نے تعلیم و تربیت حاصل کی جبکہ اپنی پیشہ ورانہ زندگی کا آغاز ریڈیو پاکستان لاہور سے کیا
جب پاکستان ٹی وی کا قیام عمل میں آیا تو یہ پاکستان کے پہلے اناؤنسر تھے جنہوں نے پی ٹی وی پر خطاب کیا- ان کو ان کی خدمات کی وجہ سے حکومت پاکستان سے 1992ء میں تغمہ حسن کارکردگی سے بھی نوازا گیا تھا- 1997ء میں انہوں نے پاکستانی سیاسی جماعت مسلم لیگ ن کے ٹکٹ پر ایم این اے کا الیکشن لڑا اور کامیاب ہو کر رکن قومی اسمبلی بن گئے
پہ ٹی وی نشریات کے آغاز میں تعارفی بیان دیتے ہوئے انہوں نے کہا تھا کہ خواتین و حضرات طارق عزیز آپ سے مخاطب ہے- ان کا تکیہ کلام تھا وہ اپنے پروگرامز کے شروع میں کہتے تھے دیکھتی آنکھوں سنتے کانوں کو طارق عزیز کا سلام ہو- وہ پروگرام کے آخر میں پاکستان زندہ باد کا نعرہ بھی بڑے جوش و جذبے کے ساتھ لگاتے اور حاضرین سء بھی مل کر لگواتے
بچوں کے لئے پی ٹی وی پر پہلی نشریات جو نزر کی گئیں ان کا نام تھا اپنا جہاز خود بناؤ- اس میں بچوں کو بتایا کہ ہوائی جہاز کیسے بنایا جاتا ہے- طارق عزیز کی موت پر سیاستدان اداکار اور ہر پاکستانی دکھ کی کیفیت میں ہے- وہ واقعی پاکستان کا ایک اثاثہ تھے جو ہم سے رخصت ہو گئے
ان للہ و انا الیہ راجعون
