ٹک ٹاک اسٹار حریم شاہ نے منی لانڈرنگ کے مبینہ کیس میں وفاقی تحقیقاتی ایجنسی (ایف آئی اے) کو ان کے خلاف کارروائی کرنے سے روکنے پر سندھ ہائی کورٹ (ایس ایچ سی) کا شکریہ ادا کیا ہے۔
حریم شاہ نے سوشل میڈیا پلیٹ فارم انسٹاگرام پر ایک نئی ویڈیو اپ لوڈ کی ہے جس میں اس نے کہا کہ وہ اس وقت لندن میں ہیں اور اپنے وکیل منیر احمد خان کا شکریہ ادا کرنا چاہتی ہیں کہ انہوں نے ایف آئی اے کے خلاف ایس ایچ سی میں مقدمہ چلایا۔
انہوں نے مزید کہا کہ میں اپنے قانونی مشیر منیر خان کا شکریہ ادا کرنا چاہتی ہوں کہ انہوں نے میری غیر موجودگی میں منی لانڈرنگ کیس میں ایف آئی اے کی انکوائری کے خلاف حکم امتناعی جاری کیا۔
حریم شاہ نے ایف آئی اے کو منی لانڈرنگ کیس میں اپنے خلاف کارروائی سے روکنے پر سندھ ہائی کورٹ کا شکریہ بھی ادا کیا۔
ان کا کہنا تھا کہ میں پاکستان میں نہیں تھی اور مجھے ایف آئی اے کی جانب سے کوئی براہ راست نوٹس نہیں ملا، تاہم مجھے منی لانڈرنگ کیس کے حوالے سے میڈیا کے ذریعے خبریں اور معلومات مل رہی تھیں۔
یہ بھی پڑھیں | کیا مریم نواز نے اپنے بیٹے کو واقعی 14 کروڑ کی گاڑی تحفہ دی؟
حریم شاہ کا مزید کہنا تھا کہ میں تمام میڈیا کو یہ بھی بتانا چاہتی ہوں کہ اگر آپ کو منی لانڈرنگ کیس کے حوالے سے کسی قسم کی معلومات چاہیے تو منیر خان سے رابطہ کریں کیونکہ وہ میرے وکیل اور ترجمان بھی ہیں، اس لیے وہ میڈیا کو مجھ سے بہتر جواب دے سکتے ہیں۔
پیر کو سندھ ہائی کورٹ (ایس ایچ سی) نے ایف آئی اے کو منی لانڈرنگ کیس میں ٹک ٹاک سنسیشن حریم شاہ کے خلاف کارروائی سے روک دیا ہے۔
10 جنوری 2022 کو ٹِک ٹوکر نے سوشل میڈیا پر ایک ویڈیو اپ لوڈ کی تھی جس میں وہ برطانوی پاؤنڈز کے دو سٹاک فلاؤنٹ کرتے ہوئے دیکھی جا سکتی ہیں۔
ایف آئی اے نے اعلان کیا تھا کہ اس نے حریم شاہ کی جانب سے یہ دعویٰ کرنے کے بعد تحقیقات کا آغاز کر دیا ہے کہ وہ برطانیہ میں بھاری رقم کامیابی کے ساتھ نقد رقم لے کر گئی ہیں جو کہ قانون کے خلاف ہے۔
نجی نیوز کی رپورٹ کے مطابق، ایف آئی اے نے شاہ کے خلاف کارروائی کے لیے برطانیہ کی نیشنل کرائم ایجنسی (این سی اے) کو خط لکھنے کا فیصلہ کیا تھا۔
ایف آئی اے کے ترجمان نے نجی نیوز کو بتایا کہ حریم شاہ کے برطانیہ کے سفر سے متعلق تحقیقات پہلے سے ہی جاری ہیں، انہوں نے مزید کہا کہ حریم شاہ نے خود برطانیہ میں منی لانڈرنگ کا اعتراف کیا تھا، جس کے بعد تحقیقات کا آغاز کیا گیا۔
یاد رہے کہ ایک ہفتہ قبل برطانیہ پہنچنے کے بعد سے حریم شاہ مختلف ملاقاتوں اور مبارکبادی تقریبات میں حصہ لے چکی ہیں۔
