گورنر خیبر پختونخواہ حاجی غلام علی نے ہفتہ کو گورنر ہاؤس میں پشاور ہائی کورٹ کے نئے تعینات ہونے والے چیف جسٹس جسٹس اشتیاق ابراہیم سے حلف لے لیا ہے۔
تقریب حلف برداری میں وزیراعلیٰ کے پی سردار علی امین گنڈا پور نے بھی شرکت کی۔
سیکرٹری قانون نے جسٹس اشتیاق ابراہیم کی بطور چیف جسٹس پشاور ہائی کورٹ تقرری کا حکم نامہ پڑھ کر سنایا۔
کے پی گورنر نے پشاور ہائی کورٹ کے چیف جسٹس کو ان کی نئی ذمہ داریوں پر مبارکباد دی اور ان کے لیے نیک خواہشات کا اظہار کیا۔
حلف برداری کی تقریب میں سپریم کورٹ آف پاکستان کے ججز، جسٹس مسرت ہلالی، پشاور ہائی کورٹ کے ججز، وکلاء، چیف سیکرٹری اور آئی جی پی خیبرپختونخوا اور مختلف محکموں کے سیکرٹریز نے بھی شرکت کی۔
