پاکستان تحریک انصاف (پی ٹی آئی) نے پرویز خٹک کو شوکاز نوٹس جاری کر کے اراکین کو پارٹی چھوڑنے پر اکسانے کے الزام میں وضاحت طلب کی ہے۔
پی ٹی آئی کے سیکرٹری جنرل عمر ایوب خان کی جانب سے جاری کردہ نوٹس میں ضلع نوشہرہ کے سینئر سیاستدان پرویز خٹک سے مطالبہ کیا گیا ہے کہ وہ نوٹس کے سات دنوں کے اندر پارٹی مخالف اقدام پر اپنی پوزیشن کی وضاحت کریں۔
شوکاز نوٹس میں کیا کہا گیا ہے؟
جاری نوٹس میں کہا گیا ہے کہ یہ پارٹی قیادت کے نوٹس میں آیا ہے کہ آپ پارٹی ممبران سے رابطہ کر رہے ہیں اور انہیں پارٹی چھوڑنے پر اکسا رہے ہیں۔ ان رپورٹ شدہ سرگرمیوں کے پیش نظر، آپ کو اس نوٹس کے سات دنوں کے اندر تحریری طور پر وضاحت کرنے کے لیے بلایا جاتا ہے۔
شوکاز نوٹس میں کہا گیا ہے۔ نوٹس میں یہ بھی واضح کیا گیا کہ اگر ان کا جواب غیر تسلی بخش پایا گیا یا انہوں نے جواب نہیں دیا تو پارٹی پالیسی اور قواعد کے مطابق مزید کارروائی کی جائے گی۔
یہ بھی پڑھیں | پیپلز پارٹی نے سینیٹرز کو مزید مراعات دینے کا بل مسترد کر دیا
یاد رہے کہ پرویز خٹک، جو پی ٹی آئی کی حکومت کے دوران پارٹی کے سیکرٹری جنرل اور خیبرپختونخوا کے وزیر اعلی کے طور پر خدمات انجام دے چکے ہیں، پہلے ہی پارٹی کی صوبائی نشست چھوڑنے کا اعلان کر چکے ہیں۔ اس وقت تحریک انصاف کے بڑے بڑے رہنما یکے بعد دیگرے پارٹی چھوڑ چکے ہیں جن میں فواد چوہدری، علی زیدی، محمود باقی مولوی، عمران اسماعیل، فردوس عاشق آوا، عامر محمود کیانی، سردار تنویر الیاس شامل ہیں۔ پی ٹی آئی کے بہت سے سابق ارکان نے سینئر سیاستدان جہانگیر ترین کی قیادت میں نو تشکیل شدہ استحکام پاکستان پارٹی (آئی پی پی) میں شمولیت اختیار کر لی ہے۔
