بشریٰ بی بی کی لیک آڈیو متعدد آڈیو کلپس جوڑ کر بنائی گئی ہے، فواد چوہدری

بشری بی بی کی آڈیو مختلف کلپ جوڑ کر بنائی گئی ہے

پاکستان تحریک انصاف کے سینئر نائب صدر فواد چوہدری نے کہا ہے کہ پی ٹی آئی کے چیئرمین عمران خان کی اہلیہ بشریٰ بی بی کی مبینہ آڈیو کلپ متعدد آڈیو کلپس کو جوڑ کر بنائی گئی ہے۔

 سابق چیف جسٹس آف پاکستان ثاقب نثار کے لیک ہونے والے آڈیو کلپ کو جعلی قرار دیتے ہوئے انہوں نے کہا کہ اب جاری ہونے والی آڈیو بھی ’کٹ پیسٹ‘ سے زیادہ کچھ نہیں۔

یہ بھی پڑھیں | بلاول بھٹو کی غریب ممالک کی مدد کرنے میں ناکامی پر عالمی معاشی نظام پر تنقید

یہ بھی پڑھیں | عمران خان کا 23 دسمبر تک اسمبلیاں تحلیل کرنے کا امکان

غیر ملکی دوروں کا مطلب یہ نہیں کہ حکومت فعال ہے

 وفاقی حکومت پر تنقید کرتے ہوئے انہوں نے کہا کہ محض کابینہ کی تشکیل اور غیر ملکی دوروں کا مطلب یہ نہیں کہ حکومت فعال ہے۔ انہوں نے مزید کہا کہ نئے انتخابات ہی ملک کو ترقی کی طرف لے جانے کا واحد راستہ ہے۔ 

انہوں نے کہا کہ پی ٹی آئی کو بدنام کرنے کے لیے مختلف حربے استعمال کیے گئے۔ انہوں نے مزید کہا کہ پی ٹی آئی نے حمزہ شہباز اور مریم نواز کی بریت کو چیلنج کرنے کے لیے عدالتوں میں جانے کا فیصلہ کیا ہے۔ 

انہوں نے کہا کہ وزیر خزانہ اسحاق ڈار اور سابق وزیر خزانہ مفتاح اسماعیل آپس میں لڑ رہے ہیں جب کہ معیشت بری حالت میں ہے۔