باہر جانے کا کوئی پلان نہیں: عمران خان
پاکستان تحریک انصاف (پی ٹی آئی) کے سربراہ عمران خان نے آج جمعہ کے روز اپنا نام ایگزٹ کنٹرول لسٹ (ای سی ایل) میں ڈالنے پر حکومت کا شکریہ ادا کرتے ہوئے کہا کہ ان کا بیرون ملک جانے کا کوئی ارادہ نہیں ہے۔
عمران خان کے یہ ریمارکس ایک دن بعد سامنے آئے ہیں جب حکومت نے سابق وزیر اعظم عمران خان، ان کی اہلیہ بشریٰ بی بی اور درجنوں دیگر رہنماؤں کے نام اس بنیاد پر "نو فلائی لسٹ” میں ڈالے ہیں کہ وہ بیرون ملک فرار ہو سکتے ہیں۔
سابق وزیر اعظم عمران خان نے ٹویٹر پر کہا کہ ان کا بیرون ملک سفر کرنے کا کوئی ارادہ نہیں ہے کیونکہ میری بیرون ملک کوئی جائیداد یا کاروبار نہیں ہے اور نہ ہی ملک سے باہر کوئی بینک اکاؤنٹ ہے۔
اگر مجھے کبھی چھٹی کا موقع ملتا ہے تو یہ ہمارے شمالی پہاڑوں میں ہو گی جو زمین پر میری پسندیدہ جگہ ہے۔
یہ بھی پڑھیں | پی ٹی آئی کے سابق ایم پی اے سمیت 16 افراد کے مقدمات فوج کے حوالے
یہ بھی پڑھیں | ورلڈ بینک نے بلوچستان کے لیے 213 ملین ڈالر امداد کی منظوری دے دی
عمران خان اور دیگر رہنماؤں کا ای سی ایل میں نام شامل
جمعرات کو وزیر اعظم کے معاون خصوصی برائے داخلہ اور قانونی امور عطا اللہ تارڑ نے تصدیق کی تھی کہ سابق وزیر اعظم، ان کی اہلیہ اور پی ٹی آئی کے کئی دیگر رہنماؤں کے نام "نو فلائی لسٹ” میں شامل کیے گئے ہیں۔
انہوں نے ایگزٹ کنٹرول لسٹ (ای سی ایل) کی اصطلاح استعمال کرنے سے گریز کیا۔
