متحدہ قومی موومنٹ کا حکومت علیحدگی پر غور
متحدہ قومی موومنٹ نے حکومت سے علیحدگی اور دیگر آپشنز پر غور شروع کر دیا ہے۔
ایم کیو ایم پاکستان کے ترجمان کے مطابق ایم کیو ایم پاکستان کے کنوینر ڈاکٹر خالد مقبول صدیقی نے تمام سینیٹرز، وزرا، ایم این ایز اور اراکین اسمبلی کو ہنگامی طور پر کل کراچی پہنچنے کی ہدایات جاری کی ہیں۔
معاہدوں پر عمل درآمد نہیں ہو رہا
میڈیا رپورٹ کے مطابق ایم کیو ایم کا اتوار کو اہم ترین ہنگامی اجلاس متوقع ہے۔ ان کا کہنا ہے کہ ایم کیو ایم پاکستان کی قیادت نے باہمی مشاورت کے لیے اتوار کو اجلاس طلب کیا ہے کیونکہ اب تک حکومت نے ایسا نہیں کیا۔ معاہدوں پر عمل درآمد نہیں ہو رہا۔
یہ بھی پڑھیں | عمر سرفراز چیمہ کی آئی جی پنجاب کو رانا ثناء اللہ کو گرفتار کرنے کی ہدایت
یہ بھی پڑھیں | پی ٹی آئی سینیٹر اعظم سواتی کو گرفتار کر لیا گیا
رپورٹ کے مطابق ایم کیو ایم کے ساتھ کیے گئے معاہدے میں کچھ ایسے مطالبات ہیں جو صرف 15 منٹ میں حل ہو سکتے ہیں لیکن انہیں لٹکایا جا رہا ہے اور طول دیا جا رہا ہے جس پر ایم کیو ایم کی قیادت کی جانب سے بڑے فیصلے کا امکان ہے۔
سیاست میں ڈرامائی تبدیلی کا امکان بھی ظاہر کیا جا رہا ہے
ان کا کہنا ہے کہ ایم کیو ایم نے اسی دن اجلاس بلایا ہے جس دن ضمنی انتخاب ہے اور امکان ہے کہ اجلاس اور اہم فیصلے اسی دن کیے جائیں گے۔ سیاست میں ڈرامائی تبدیلی کا امکان بھی ظاہر کیا جا رہا ہے۔
