وفاقی تحقیقاتی ایجنسی (ایف آئی اے) نے گزشتہ روز جمعہ کو سندھ اور پنجاب پولیس کے ساتھ مفاہمت کی یادداشت پر دستخط کیے جس کے تحت اب ایف آئی اے کو اجازت یے کہ وہ دونوں صوبوں میں منی لانڈرنگ کے معاملات کی تحقیقات کرے۔
یہ بھی پڑھیں | وزیر اعلی سندھ مراد علی شاہ بھی کورونا وائرس کا شکار ہو گئے
تفصیلات کے مطابق پولیس اینٹی منی لانڈرنگ ایکٹ کے تحت اپنے معاملات ایف آئی اے کو منتقل کرسکتی ہے جبکہ وہ خود بھی مقدمات کی تحقیقات مجرمانہ جرائم کے لئے کرے گے۔
زرائع نے بتایا کہ ایف آئی اے کے ڈائریکٹرز اور اضافی آئی جی رابطے میں رہیں گے۔ ڈی جی ایف آئی اے اور آئی جی سندھ اور پنجاب بھی رابطے میں رہیں گے۔
حکام کے مطابق ، اس سے قبل ، ایف آئی اے صرف وفاقی حکومت کے دائرہ اختیار میں مقدمات کی تفتیش کر سکتی تھی۔ انہوں نے کہا کہ پولیس کو متعدد معاملات میں اینٹی منی لانڈرنگ ایکٹ سے نمٹنے کی ضرورت ہے۔
انہوں نے مزید کہا کہ کاؤنٹر ٹیررازم ڈیپارٹمنٹ منی لانڈرنگ کی دفعات کے تحت مقدمات درج کرتا ہے۔
