پاکستان –
او جی ڈی سی ایل کی جانب سے سانگھڑ ڈسٹرکٹ کو عطیہ کی گئی ایمبولینس پر شازیہ مری کا نام دیکھ کر سوشل میڈیا صارفین نے سخت تنقید کی ہے۔
تفصیلات کے مطابق آئل اینڈ گیس ڈویلپمنٹ کمپنی لمیٹڈ(او جی ڈی سی ایل) نے اپنے کارپوریٹ سوشل رسپونسی بیلیٹی پروگرام کے تحت سانگھڑ کو ایک ایمبولینس عطیہ کی تھی جس پر شازیہ مری کا نام لکھا ہے۔
سوشل میڈیا پر وائرل ہونے والی تصاویر میں ایمبولینس پر اوجی ڈی سی ایل سی ایس آر پروگرام کے علاوہ واضح طور پر ” ڈونیٹڈ بائے ایم این اے شازیہ مری” لکھا ہوا دیکھا جا سکتا ہے۔ اپنا نام لکھوانے کے علاوہ سوشل میڈیا میں کچھ افراد یہ بھی کہہ رہے ہیں کہ ضلع سانگھڑ کیلئے عطیہ کی گئی اس ایمبولینس کو شازیہ مری اپنے علاقے بیرانی میں لے گئی ہیں۔
یہ بھی پڑھیں | وزیر اعظم ہاؤس میں مقتول سری لنکن مینجر کے حوالے سے آج تعزیتی ریفرنس منعقد ہو گا
وزیراعلی عثمان بزدار کے فوکل پرسن اظہر مشہوانی نے بھی اس تصویر کو سوشل میڈیا پر شیئر کیا اور لکھا کہ او جی ڈی سی ایل نے سانگھڑ ڈسٹرکٹ کو ایک ایمبولینس عطیہ کی مگر سندھ اور شازیہ مری کی بے شرمی دیکھیں کہ اس پر اپنا نام لکھوا لیا ہے۔
سوشل میڈیا پر ایک علی ابوالحسن نامی صارف نے کہا کہ آپ سانگھڑ سے اس ایمبولینس کو اپنے شہر بیرانی لے گئی ہیں۔ صارف نے شازیہ مری کو مزید مخاطب کر کے کہا کہ آپ پر اس وقت شدید تنقید ہورہی ہے برائے مہربانی اس ایمبولینس کو واپس کیجیے۔
ایک صارف نے ٹویٹر پر کہا کہ ہم ایسے سیاستدانوں سے اور کیا امید کر سکتے ہیں؟
ایک اور صارف نے تنقید کرتے ہوئے کہا کہ صحت کارڈ کے رنگ کی پی ٹی آئی کے پرچم سے مماثلت پر تنقید کرنے والی پیپلزپارٹی اب اس حرکت پر چلو بھر پانی میں غسل کرے۔
