الیکشن پہ کوئی اعتراض نہیں اس کے وقت پہ ہے: آصف علی زرداری

انتخابات پر نہیں وقت پر اعتراض ہے

پیپلز پارٹی کے شریک چیئرمین آصف علی زرداری نے کہا ہے کہ ان کی پارٹی کو "

انتخابات پر کوئی اعتراض نہیں ہے لیکن اس کے وقت پر ہے۔

انہوں نے متعدد وجوہات بتائیں کہ ملک میں صوبائی اور عام انتخابات ایک ہی دن کیوں ہونے چاہیے۔

 انہوں نے اس بات پر زور دیا کہ انتخابات ایک ہی دن ہونے چاہئیں جس میں تمام جماعتوں کے لیے یکساں میدان ہونا چاہیے اور تمام سیاسی جماعتوں کو انتخابات کے لیے ایک ہی تاریخ کا فیصلہ کرنے کے لیے بات چیت کرنی چاہیے۔ 

آصف علی زرداری کا یہ بیان کب اور کیوں سامنے آیا؟

سابق صدر آصف علی زرداری نے ان خیالات کا اظہار جیو نیوز کے پروگرام ‘کیپٹل ٹاک’ میں انٹرویو کے دوران پنجاب میں انتخابات سے متعلق سوالات کا جواب دیتے ہوئے کیا۔

 ان کا یہ تبصرہ پنجاب اور خیبرپختونخوا میں انتخابات کے معاملے پر عدلیہ اور حکومت کے درمیان بڑھتے ہوئے تنازعہ کے درمیان آیا ہے۔ 

یہ بھی پڑھیں |  ٹک ٹاک پر کس قسم کی ویڈیوز سب سے زیادہ دیکھی جاتی ہیں؟

 جنوری سے دونوں صوبوں میں انتخابات ہونے والے ہیں جب دونوں صوبائی اسمبلیاں تحلیل ہو گئی تھیں۔ 

یاد رہے کہ 4 اپریل کو چیف جسٹس پاکستان عمر عطا بندیال، جسٹس اعجاز الاحسن اور جسٹس منیب اختر پر مشتمل سپریم کورٹ کے تین رکنی بینچ نے پنجاب میں انتخابات کے لیے 14 مئی کا دن مقرر کیا تھا اور حکومت کو فنڈز جاری کرنے کی ہدایت کی تھی۔ 

تاہم حکومت نے فنڈز کے اجراء کا معاملہ فیصلہ کرنے کے لیے پارلیمنٹ کو بھیج دیا تھا۔ ایک روز قبل، پارلیمنٹ نے سپریم کورٹ کے حکم کی خلاف ورزی کرتے ہوئے الیکشن فنڈز جاری کرنے سے انکار کر دیا تھا جس کے بعد سپریم کورٹ نے اسٹیٹ بینک آف پاکستان کو اس مقصد کے لیے فنڈز جاری کرنے کی ہدایت کی ہے۔