اثاثہ جات کیس میں عثمان بزدار کی عبوری ضمانت میں توسیع

عثمان بزدار کی عبوری ضمانت میں توسیع

منگل کو احتساب عدالت نے آمدن سے زائد اثاثہ جات کیس میں سابق وزیراعلیٰ پنجاب اور پی ٹی آئی رہنما عثمان بزدار کی عبوری ضمانت میں توسیع کردی ہے۔

 تفصیلات کے مطابق قومی احتساب بیورو (نیب) نے آمدن سے زائد اثاثہ جات کیس میں عبوری ضمانت پر اپنا جواب عدالت میں جمع کرا دیا ہے۔

عدالت نے اینٹی گرافٹ واچ ڈاگ سے پوچھا کہ کیا سابق وزیراعلیٰ پنجاب عثمان بزدار کو گرفتار کرنا ضروری ہے؟

یہ بھی پڑھیں | وزیر اعظم شہباز شریف دو روزہ دورے پر ترکیہ جائیں گے

یہ بھی پڑھیں | ارشد شریف اور عمران خان پر حملے کی پلاننگ لندن میں ہوئی، رہنما مسلم لیگ ن

وارنٹ گرفتاری ابھی جاری نہیں ہوئے

نیب پراسیکیوٹر نے عدالت کو بتایا کہ پی ٹی آئی رہنما کے وارنٹ گرفتاری ابھی جاری نہیں ہوئے۔ 

 عدالت نے دلائل سننے کے بعد سابق وزیراعلیٰ پنجاب بزدار کی عبوری ضمانت میں 5 دسمبر تک توسیع کردی ہے۔

زائد اثاثہ جات کیس

 قبل ازیں احتساب عدالت نے قومی احتساب بیورو (نیب) کو آمدن سے زائد اثاثہ جات کیس میں سابق وزیراعلیٰ پنجاب اور پی ٹی آئی رہنما بزدار کو گرفتار کرنے سے روک دیا۔ 

 یہاں یہ امر قابل ذکر ہے کہ نیب ایگزیکٹو بورڈ نے نیب لاہور کی جانب سے بزدار کے خلاف آمدن سے زائد اثاثوں کی تحقیقات شروع کرنے کی سفارش کی منظوری دی۔