آزاد جموں کشمیر بلدیاتی انتخابات
غیر سرکاری نتائج کے مطابق، پاکستان تحریک انصاف نے اتوار کو آزاد جموں و کشمیر (اے جے کے) میں ہونے والے بلدیاتی انتخابات کے پہلے مرحلے میں ضلع کونسل کی 33 نشستیں جیت لی ہیں۔
آزاد جموں و کشمیر (اے جے کے) میں تین دہائیوں کے وقفے کے بعد ہونے والے بلدیاتی انتخابات میں پاکستان پیپلز پارٹی (پی پی پی) ضلع کونسل کی 23 نشستیں جیت کر دوسرے نمبر پر رہی اور پاکستان مسلم لیگ نواز (پی ایم ایل این) نے 16 نشستیں حاصل کیں ہیں۔
وادی نیلم
وادی نیلم میں پاکستان تحریک انصاف نے سات جبکہ پاکستان مسلم لیگ نواز اور پاکستان پیپلز پارٹی نے تین تین نشستیں حاصل کیں جبکہ دو نشستیں آزاد امیدواروں نے حاصل کیں۔
یہ بھی پڑھیں | عمران خان سے کہا جا رہا ہے کہ اسمبلیاں نہ توڑیں، عثمان ڈار
یہ بھی پڑھیں | پنجاب حکومت عمران خان کی امانت ہے، مونس الہی
وادی جہلم
پاکستان تحریک انصاف نے وادی جہلم میں 10 نشستیں حاصل کیں، اس کے بعد پاکستان مسلم لیگ نواز نے پانچ اور پاکستان پیپلز پارٹی نے تین نشستیں حاصل کیں۔
مظفرآباد
مظفرآباد میں پاکستان پیپلز پارٹی نے 17 سیٹیں جیت کر پی ٹی آئی کو شکست دی۔ پاکستان تحریک انصاف 16 نشستوں کے ساتھ دوسرے نمبر پر رہی جبکہ مسلم کانفرنس نے تین اور پاکستان مسلم لیگ نواز نے دو نشستیں حاصل کیں۔ دو نشستوں پر آزاد امیدواروں نے کامیابی حاصل کی اور جے کے پی پی نے ایک نشست حاصل کی۔
مظفرآباد میونسپل کارپوریشن وارڈز
مظفرآباد میونسپل کارپوریشن کے تمام 36 وارڈز کے غیر حتمی غیر سرکاری نتائج کے مطابق پاکستان مسلم لیگ نواز نے 12 نشستیں حاصل کیں جبکہ پاکستان پیپلز پارٹی 8 نشستوں کے ساتھ دوسرے نمبر پر رہی۔ پاکستان تحریک انصاف نے سات نشستیں حاصل کیں جبکہ آزاد امیدواروں نے بھی سات نشستیں حاصل کیں۔ مسلم کانفرنس کو صرف دو نشستیں ملیں۔
