آئی ایم ایف کا مذاکرات کے دوسرے دور میں پاکستان پر مزید ٹیکس لگانے کے لیے دباؤ
بین الاقوامی مالیاتی فنڈ (آئی ایم ایف) نے پاکستان سے کہا ہے کہ وہ مذاکرات کے دوسرے دور میں 600 سے 800 ارب روپے کے اضافی ٹیکس عائد کرے تاکہ مہینوں سے رکی ہوئی 7 بلین ڈالر کی توسیعی فنڈ سہولت (ای ایف ایف) کو بحال کیا جاسکے۔
تفصیلات کے مطابق، فیڈرل ریونیو بورڈ نے 7 بلین ڈالر کے قرضہ پروگرام کے نویں جائزے پر پاکستان میں مشن چیف نیتھن پورٹر کی قیادت میں آئی ایم ایف مشن کے ساتھ تکنیکی مذاکرات کا دوسرا دور کیا۔
پاکستان کے آئی ایم ایف سے قرض کی تفصیلات
پاکستان نے 2019 میں آئی ایم ایف سے 6 بلین ڈالر کا بیل آؤٹ حاصل کیا تھا جو گزشتہ سال مزید 1 بلین ڈالر کے ساتھ بڑھ گیا تھا لیکن پھر آئی ایم ایف نے مالیاتی استحکام اور اقتصادی اصلاحات پر پاکستان کی جانب سے مزید پیش رفت نہ کرنے کی وجہ سے نومبر میں ادائیگیاں روک دیں۔
یہ بھی پڑھیں | الیکشن کمیشن پنجاب کے لئے ‘مناسب’ نگران وزیراعلیٰ کا انتخاب کرے، فواد چوہدری
یہ بھی پڑھیں | نواز شریف نے جنرل باجوہ اور فیض کو پاکستان کی تباہی کا ذمہ دار قرار دے دیا
اجلاس کے دوران، آئی ایم ایف نے اضافی اقدامات کے لیے سخت شرائط طے کیں جن میں تقریباً 600 سے 800 ارب روپے اضافی ٹیکس عائد کرنا شامل تھا۔
ٹیکس وصولی کا ہدف 8.3 ارب روپے مقرر کیا جائے
ذرائع نے بتایا کہ پاکستان ’منی بجٹ‘ کے ذریعے 200 ارب روپے کے ٹیکس عائد کرنے کو تیار ہے جبکہ آئی ایم ایف نے پاکستان پر 600 ارب روپے سے زائد اضافی ٹیکس لگانے کے لیے دباؤ ڈالا ہے۔
آئی ایم ایف نے حکومت سے ٹیکس وصولی کو مجموعی گھریلو مصنوعات (جی ڈی پی) کے 1 فیصد تک بڑھانے کا مطالبہ بھی کیا ہے۔ ذرائع نے دعویٰ کیا کہ آئی ایم ایف نے حکومت سے مطالبہ کیا کہ آئندہ مالی سال ٹیکس وصولی کا ہدف 8.3 ارب روپے مقرر کیا جائے۔
